మతాలు కులాలు
మనసుకు వేసిన సంకెల్లు
మనసైన మనషులను
కలుసుకోనీవు
కలిసిన మనషులను
నిలకడగ బతకనీవు.  

అండలూసియా ఆకాశంక్రింద
నారింజ వనంనడుమ  
వసంతంలో ఓరేయిన
జ్ఞాపకాలయానికెల్లి
ఓ జ్ఞాపకాన్ని తిరగేస్తే...
అది ఓ జరిగిన కథ
ఆదిలోనే అంతమైన కథ.

పాంప్లొనా వీధుల్లొ
వెన్నెలకురిసిన రాత్రుల్లో 
ఒక ఆంధ్రా అబ్బాయి
ఓ అందమైన అమెరికా అమ్మాయి 
ప్రేమబాసలు చెసుకున్నారు
భాషలు అర్థంకాకున్న.
ప్రకృతి వారి ప్రేమబాసల్ని
వినిందో ఏమో
ప్రకృతికి వారిపై
ప్రేమో ఏమో
వారు అధరాల
మధువులను పంచుకునేవేల
నగరాన్ని నిదురపుచ్చింది.
రేయి లేదు పగలు లేదు
వారి దారులకు అడ్డేలేదు.

"ప్రతి ఆదికి ఓ అంతముంది"
పై వాక్యం చదవగనే
నాగుండె పగిలింది...
వారువిడిపొతారని అర్థమయ్యింది..
జ్ఞాపకాన్ని విసిరేసాను
జ్ఞాపకాలయాన్ని మూసేసాను 
నిద్రపయనం పట్టాను
అండలూసియా ఆకాశంక్రింద
నారింజ వనంనడుమ   
వసంతంలో ఓరేయిన.